นกุสลํ นนเหตุํ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ เหตุปจฺจยาฯ นกุสลํ นนเหตุํ ธมฺมํ ปฏิจฺจ อกุสโล นเหตุ จ อพฺยากโต นเหตุ จ ธมฺมา อุปฺปชฺชนฺติ เหตุปจฺจยาฯ ตีณิฯ

นอกุสลํ นนเหตุํ ธมฺมํ ปฏิจฺจ กุสโล นเหตุ ธมฺโม อุปฺปชฺชติ เหตุปจฺจยาฯ นอกุสลํ นนเหตุํ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ เหตุปจฺจยาฯ นอกุสลํ นนเหตุํ ธมฺมํ ปฏิจฺจ กุสโล นเหตุ จ อพฺยากโต นเหตุ จ ธมฺมา อุปฺปชฺชนฺติ เหตุปจฺจยาฯ ตีณิฯ

นอพฺยากตํ นนเหตุํ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ เหตุปจฺจยา… ปญฺจฯ

นกุสลํ นนเหตุญฺจ นอพฺยากตํ นนเหตุญฺจ ธมฺมํ ปฏิจฺจ อกุสโล นเหตุ ธมฺโม อุปฺปชฺชติ เหตุปจฺจยา… ตีณิฯ

นอกุสลํ นนเหตุญฺจ นอพฺยากตํ นนเหตุญฺจ ธมฺมํ ปฏิจฺจ กุสโล นเหตุ ธมฺโม อุปฺปชฺชติ เหตุปจฺจยา… ตีณิฯ

นกุสลํ นนเหตุญฺจ นอกุสลํ นนเหตุญฺจ ธมฺมํ ปฏิจฺจ อพฺยากโต นเหตุ ธมฺโม อุปฺปชฺชติ เหตุปจฺจยาฯ เอกํ… เหตุยา อฏฺฐารสฯ

1-2. กุสลตฺติก-สเหตุกทุกํ

[3] นกุสลํ นสเหตุกํ ธมฺมํ ปฏิจฺจ อกุสโล สเหตุโก ธมฺโม อุปฺปชฺชติ เหตุปจฺจยาฯ นกุสลํ นสเหตุกํ ธมฺมํ ปฏิจฺจ อพฺยากโต สเหตุโก ธมฺโม อุปฺปชฺชติ เหตุปจฺจยาฯ นอกุสลํ นสเหตุกํ ธมฺมํ ปฏิจฺจ อพฺยากโต สเหตุโก ธมฺโม อุปฺปชฺชติ เหตุปจฺจยาฯ นอพฺยากตํ นสเหตุกํ ธมฺมํ ปฏิจฺจ อกุสโล สเหตุโก ธมฺโม อุปฺปชฺชติ เหตุปจฺจยาฯ นกุสลํ นสเหตุกญฺจ นอพฺยากตํ นสเหตุกญฺจ ธมฺมํ ปฏิจฺจ อกุสโล สเหตุโก ธมฺโม อุปฺปชฺชติ เหตุปจฺจยาฯ นกุสลํ นสเหตุกญฺจ นอกุสลํ นสเหตุกญฺจ ธมฺมํ ปฏิจฺจ อพฺยากโต สเหตุโก ธมฺโม อุปฺปชฺชติ เหตุปจฺจยาฯ เหตุยา ฉฯ

[4] นกุสลํ นอเหตุกํ ธมฺมํ ปฏิจฺจ อพฺยากโต อเหตุโก ธมฺโม อุปฺปชฺชติ เหตุปจฺจยาฯ นอกุสลํ นอเหตุกํ ธมฺมํ ปฏิจฺจ อพฺยากโต อเหตุโก ธมฺโม อุปฺปชฺชติ เหตุปจฺจยา ฯ

นอพฺยากตํ นอเหตุกํ ธมฺมํ ปฏิจฺจ อพฺยากโต อเหตุโก ธมฺโม อุปฺปชฺชติ เหตุปจฺจยาฯ นกุสลํ นอเหตุกญฺจ นอพฺยากตํ นอเหตุกญฺจ ธมฺมํ ปฏิจฺจ อพฺยากโต อเหตุโก ธมฺโม อุปฺปชฺชติ เหตุปจฺจยาฯ นอกุสลํ นอเหตุกญฺจ นอพฺยากตํ นอเหตุกญฺจ ธมฺมํ ปฏิจฺจ อพฺยากโต อเหตุโก ธมฺโม อุปฺปชฺชติ เหตุปจฺจยาฯ นกุสลํ นอเหตุกญฺจ นอกุสลํ นอเหตุกญฺจ ธมฺมํ ปฏิจฺจ อพฺยากโต อเหตุโก ธมฺโม อุปฺปชฺชติ เหตุปจฺจยาฯ เหตุยา ฉฯ

1-3. กุสลตฺติก-เหตุสมฺปยุตฺตทุกํ

[5] นกุสลํ นเหตุสมฺปยุตฺตํ ธมฺมํ ปฏิจฺจ อกุสโล เหตุสมฺปยุตฺโต ธมฺโม อุปฺปชฺชติ เหตุปจฺจยาฯ นกุสลํ นเหตุสมฺปยุตฺตํ ธมฺมํ ปฏิจฺจ อพฺยากโต เหตุสมฺปยุตฺโต ธมฺโม อุปฺปชฺชติ เหตุปจฺจยาฯ นอกุสลํ นเหตุสมฺปยุตฺตํ ธมฺมํ ปฏิจฺจ อพฺยากโต เหตุสมฺปยุตฺโต ธมฺโม อุปฺปชฺชติ เหตุปจฺจยา… ฉฯ (สเหตุกสทิสํฯ)

นกุสลํ นเหตุวิปฺปยุตฺตํ ธมฺมํ ปฏิจฺจ อพฺยากโต เหตุวิปฺปยุตฺโต ธมฺโม อุปฺปชฺชติ เหตุปจฺจยา… ฉฯ (อเหตุกสทิสํ, สํขิตฺตํฯ)

1-4-6. กุสลตฺติก-เหตุสเหตุกาทิทุกานิ

[6] นกุสลํ นเหตุญฺเจว นอเหตุกญฺจ ธมฺมํ ปฏิจฺจ อกุสโล เหตุ เจว สเหตุโก จ ธมฺโม อุปฺปชฺชติ เหตุปจฺจยาฯ นกุสลํ นเหตุญฺเจว นอเหตุกญฺจ ธมฺมํ ปฏิจฺจ อพฺยากโต เหตุ เจว สเหตุโก จ ธมฺโม อุปฺปชฺชติ เหตุปจฺจยาฯ ทฺเวฯ

(นอกุสเล ทฺเว, นอพฺยากเต ทฺเวฯ ปฐมํ คณิตเกน เอกํ, ทุติยํ คณิตเกน เอกํ, ตติยํ คณิตเกน เอกํ, สพฺพตฺถ นว ปญฺหาฯ)

นกุสลํ นอเหตุกญฺเจว น จ เหตุํ ธมฺมํ ปฏิจฺจ อกุสโล สเหตุโก เจว น จ เหตุ ธมฺโม อุปฺปชฺชติ เหตุปจฺจยา… เหตุยา นวฯ

[7] นกุสลํ นเหตุญฺเจว นเหตุวิปฺปยุตฺตญฺจ ธมฺมํ ปฏิจฺจ อกุสโล เหตุ เจว เหตุสมฺปยุตฺโต จ ธมฺโม อุปฺปชฺชติ เหตุปจฺจยา… เหตุยา นวฯ